pingheiras

Dúas novas falan dos que xa non son deste mundo: un maior de 70 que foi detido por ir coller dúas botellas de viño a unha casa. A propietaria dixo "Habelas pedido"…habíallas dar. E outro da mesma quinta que foi detido por conducir sen carnet. A veciñanza dixo que era un home prudente que nunca tivera un accidente.

Esta xentiña está afeita a un mundo no que, se tiñas sede do que fora, pedías de beber e dábanche e onde para saber conducir había que ter sentidiño e non un carnet. Non son deste mundo

Si, fáloche a ti. HOYGA! O domingo hai en Compostela unha concentración de xente moi ghrandirma para defender a lingua dos teus pais, a lingua dos teus avós.

Ti, pailaroquiño, que te cres moi finolis e eleghante porque traballas ou estudas nunha vila, ou nunha das dúas cidades que hai en Galiza, e que arreneghas da túa familia, da túa aldea e dos teus devanceiros, porque xa pensas que es alguén por falar en español; vente o domingo pola mañán a Compostela e mira que xente e que forza.

Aí, se cadra, te decatas do que é ser elegante e aprendes a respetarte a ti mesmo. Veña! PÁSAME DIANTE!

Últimamente los gallegos no te ganamos para disgustos…merda! que fago escribindo en español?…ou castelán…non?. Dícia que hai que ver, non só unha tenista galega se ve afectada polas loitas tribais no Líbano, senón que ademais quince galegos sentiron o terremoto en China. Estes paisanos estaban a 300 kms da zona do sismo e foron evacuados(sic) a Xanghai onde se atopan ben e estan de compras

Menos mal que só morreron milleiros de chineses, pero non hai ningún galego, español ou castelán afectado.

Ai!, que duro te me es viajar por las colonías!…e dalle co español…bueno castelán…non?

 
En el día de hoy tropas del glorioso ejercito colonial español han rescatado a tres señoritas de buenas familias, españolas, que se encontraban en una delicada situación en medio de las guerras tribales que azotan al oriente próximo. Arriba Espanña! 11 de mayo de 2008.

decatamonos co tempo que "contratista" en Iraq significa mercenario.

Co tempo, acá, nos decataremos que "promotor" significa mafioso

Pois si, o senhorinho da foto é o secretario xeral da patronal alimentaria que onte facía unhas declaracións co motivo dos expedientes sancionadores, que lle abriu a varias industrias das cousas de comer, a Comisión Nacional(ejpanhola) da Competencia.

Este homiño berraba moi alporizado pola inxustiza que lle facía aos seus representados o goberno, que xa se sabe que os industriais capitalistas alimentarios son xente que non pacta subas artificiais dos prezos dos productos que comercializan, e non teñen ningunha culpa da miseria dos productores agrarios nin dos abafos das consumidoras.

Eu escoiteino no arradio dicir que os empresarios alimentarios non podían ser o chivo emisario da incompetencia do goberno. Xuro que o escoitei en varios partes horarios da RG coa súa voz orixinal. Se teñen paciencia procuren nos arquivos radiofónicos, porque na prensa escrita de hoxe  reproducen as declaracións dicindoquedixo chivo expiatorio.

Así que ou escoito voces, ou temos unha prensa tan boa e xenerosa que corrixe os erros léxicos das xentes de bo berce. Se fan isto con calquera chorrada coma esta, que non manipularán con outros detalles máis importantes. Hostia!, co ben que me acae o chivo emisario.

Desde onde vivo podo estar en Londres, Barcelona ou Madrid nun par de horas por poucos cartos.

Para ir visitar aos meus país, que viven a 17 kms. é imprescindible ter coche. Ou coller un autobús ás 12 do mediodía, andar tres kms e agardar, despois de andar outros 3 kms, a ter un bus de volta ao día seguinte ás 7 da mañán. Tamén podo ir e volver en taxi ou alugar un carro por un prezo un chisco máis caro do que me leva ir a Madrid, Londres ou Barcelona.

O goberno está a facer AVEs e a empresa que fai o servizo a 3 kms. da aldea o vai suprimir, porque non é rentable. Cos cartos do AVE a Madrid non poderían subvencionar servizos de transporte ás aldeas ou canda menos darlles cobertura teléfonica ou de internet?

Pregunto, máis que nada, porque a min non se me perde nada en Madrid e na aldea teño familia e, según a Xunta, futuro. Aínda que polo que se ve, mellor será abandonar aos vellos e á aldea e emigrar, a toda hostia, a Madrid, Barcelona ou Londres.

Cosmopolitismo e progreso! 

Collan a estrada que vai de Santiago á Estrada. Cando deixen Cacheiras, e despois dunha estación de ITV, vaian pola primeira estrada que desvía á esquerda. Avancen uns metros e chegarán ao lugar onde se atopa a miseria humana.

Que un tipo con 65 tacos diga que se xubila é o normal.

 
Que decida calar por xa ter dito todo canto quería dicir é máis raro.

Se o tipo é escritor, entón xa é noticia.

É que hoxe buguinestor me enviou un bonito almanaque de mesa por correo ordinario persoalizado-como mola-, como supoño que faría a toda a cidadanía compostelá. O almanaque viña cheo de imaxes da cidade da cultura -en construcción- semellantes á que encabeza a web do concello, veja aquí:

Unha, que é moi brutiña de dios, tivo a reacción de botar ao lixo o almanaque con sobre e todo. Foi tanta a raiba: "en que foden os cartos dos impostos", "a quen queren engañar?",  "que fixen para ser gobernada por estes gilipollas?…hostia!…votalos!…voteinos caghondios!"; que o almanaque foi á bolsa da merda dos gatos. Que, se non, era para voltarllo en correo ordinario persoalizado-como mola-.